வி. ஆக 22nd, 2019

ஆண்டு: 2019

பயோ மெட்ரிக் கருவியில் ஹிந்தி மொழி

தர்மபுரி மாவட்டத்தில் அரசு பள்ளிகளில் ஆசிரியர் வருகையை பதிவு செய்ய பயோ மெட்ரிக் கருவிகள் பயன்பாட்டில் உள்ளன. இந்த கருவிகளில் ஆங்கிலத்தில் விவரங்கள் பதிவு செய்யப்பட்டிருந்தன. இரண்டு நாட்களுக்கு முன் அந்த கருவிகள் ‘அப்டேட்’ செய்யப்பட்டது. இந்நிலையில், தற்போது பயோ மெட்ரிக் கருவியில் ஹிந்தி மொழியும் இடம்பெற்றுள்ளது.

Thanks to https://www.dinamalar.com/news_detail.asp?id=2322841.

‘சரவண பவன்’ ஓட்டல்ராஜகோபால் காலமானார்.

தஞ்சாவூர் மாவட்டம் திருத்துறைப்பூண்டியைச் சேர்ந்த ஜீவஜோதியின் கணவர் பிரின்ஸ் சாந்தகுமார் கொலை வழக்கில் ‘சரவண பவன்’ ஓட்டல் அதிபர் ராஜகோபாலுக்கு ஆயுள் தண்டனை விதிக்கப்பட்டது.
உடல் நலமின்றி இருந்த ராஜகோபாலை ஆம்புலன்ஸ் வாகனத்தில் அழைத்து வந்து செஷன்ஸ் நீதிமன்றத்தில் ஆஜர்படுத்தினர். சிறையில் அடைக்க போலீஸ் வசம் ஒப்படைக்கப்பட்டார். பின் சிகிச்சைக்காக வடபழநியில் உள்ள தனியார் மருத்துவமனையில் அனுமதிக்கப்பட்டார்.
இந்நிலையில்,
சிகிச்சை பலனின்றி இன்று(ஜூலை 18 வியாழக்கிழமை 2019) ராஜகோபால் காலமானார்.

2 வயது மகனை கொன்று – தாய் தற்கொலை…!

அரியலூரில், 2 வயது மகனை கொன்று, தாய் தற்கொலை செய்தது குறித்து, ஆர்.டி.ஓ., விசாரிக்கிறார்.
அரியலூர், புது மார்க்கெட் தெருவைச் சேர்ந்தவர், ஜெய்குமார், 46. இவர், ‘டாடா ஏஸ்’ ஆட்டோவை வைத்து, தொழில் செய்து வருகிறார்.இவரது முதல் மனைவி, ராஜலட்சுமி, ஐந்து ஆண்டுகளுக்கு முன் இறந்து விட்டார். இவர்களுக்கு, விக்னேஷ் என்ற மகன் உள்ளார். ஜெய்குமார், மூன்று ஆண்டுகளுக்கு முன், நாகப்பட்டினம், குத்தாலம் அருகே உள்ள, மேலசாலை கிராமத்தைச் சேர்ந்த, கணவனை இழந்த பெண்ணான, சுமிதா, 37, என்பவரை, இரண்டாவதாக திருமணம் செய்து கொண்டார். இவர்களுக்கு, ரித்திஷ், 2, என்ற மகன் இருந்தார்.ஜெய்குமார், தினமும் மது அருந்தி வந்து, தகராறில் ஈடுபட்டதால், அவரை பிரிந்து, சுமிதா, தன் தாய் வீட்டில் வசித்து வந்தார். மூன்று மாதங்களுக்கு முன், ஜெய்குமார், அனைத்து மகளிர் போலீசில் புகார் கொடுத்து, சமாதானம் செய்து, சுமிதாவை வீட்டுக்கு அழைத்து வந்தார். ஆனால் மீண்டும், தம்பதியிடையே அடிக்கடி தகராறு ஏற்பட்டு வந்தது. இதனால் விரக்தியடைந்த சுமிதா, நேற்று, வீட்டில், தன் மகன் ரித்திஷை, சேலையால் தூக்கிட்டு கொலை செய்து, தானும், மின்விசிறி கம்பியில் தூக்கிட்டு தற்கொலை செய்து கொண்டார்.இதுகுறித்து, சுமிதாவின் தாய், அமுதா கொடுத்த புகாரின்படி, கயலாபாத் போலீசார் விசாரிக்கின்றனர். மேலும், மாவட்ட வருவாய் அலுவலர் விசாரணையும் நடந்து வருகிறது.

மயிலாடுதுறை அரசு மருத்துவமனை டாக்டர்…!

இதோ தையல் போடுறாரே இவருதான் மயிலாடுதுறை அரசு மருத்துவமனை டாக்டர் என்ன எவனாவது செத்துட்டா பிணவரைக்கு போஸ்ட்மார்டம் பண்ண போய்டுவாரு..
6 மாசம் முன்ன எனக்கு வேண்டியவங்கலுக்கு தையல் போட போனா பினத்த அறுத்து தைக்கிறவன் தையல் போட வரான் வேண்டாம்னு சண்டை போட்டுட்டு புகார் பண்ணிட்டு வேற தனியார் மறுத்துவ மனைக்கு போய்ட்ட.. இன்னும் அப்படியேதான் இருக்கு.
இந்த நிலைல தான் இருக்கு மயிலாடுதுறை மருத்துவமனை போஸ்ட்மார்டம் பண்ணுறவன், டோக்கன் போடுரவன் குப்ப அள்ளுரவன் தான் தையல் போடுறான்.
Thnks to FB
Vishnu Nadarasan.

விகிதாச்சார பிரதிநிதித்துவ தேர்தல் முறை தேவை.

தேர்தல் ஜனநாயக முறை,
குறிப்பிட்ட சாராருக்கு மட்டுமே பயனளிக்கிற தன்மை கொண்டதாக மாறிவிட்டது. பண பலம், ஆள் பலம், மாபியா பலம், ஊடக பலம் யாரிடம் இருக்கிறதோ, அவர்கள் மட்டுமே தேர்தலில் வெற்றி பெறமுடியும். நீங்கள், 300 கொடுத்தால் அவர், 500 கொடுத்து உங்களை தோற்கடித்துவிடுவார். இதுதான், இன்றைய விசித்திர நிலை.அதுமட்டுமல்லாமல்,

தேர்தல் முடிவுக்குப் பின்னர், ‘எங்களுக்கு இத்தனை சதவீத ஓட்டுக்கள் கிடைத்திருக்கின்றன. ஆனால், போதுமான இடங்கள் கிடைக்கவில்லை’ என்று பல கட்சிகள் புள்ளி விபரங்களை சொல்லி புலம்புவதை கேட்கிறோம். இந்த விசித்திரத்துக்கும், புலம்பலுக்கும் முற்றுப்புள்ளி வைக்க வேண்டும். அதற்கு, நமது தேர்தல் முறையை, விகிதாச்சார பிரதிநிதித்துவ தேர்தல் முறையாக மாற்ற வேண்டும். அப்படி செய்தால் மட்டுமே, ஒவ்வொரு ஓட்டுக்கும் உண்மையான மதிப்பு கிடைக்கும். ஒரு தொகுதியில் அதிக ஓட்டு பெற்றவரே வெற்றி பெற்றவர். மேலோட்டமாக பார்த்தால், இதில் தவறு இருப்பதாக தெரியாது. ஆனால்,

பதிவான ஓட்டுகளில், 30 சதவீத ஓட்டுகளை பெற்று, முதல் இடத்தை பிடிப்பது இப்போது சகஜமாகி விட்டது. அதாவது, ஜெயித்தவர், 30 சதவீதம் பெற்றிருப்பார். அதன் அர்த்தம் என்ன? 70 சதவீதம் பேருக்கு அவரை பிடிக்கவில்லை. ஆனால், அவருக்கு எதிராக, ஏழு பேர் நின்றதால், அந்த, 70 சதவீத ஓட்டுகள் அவர்களுக்கு ஆளுக்கு, 10 சதவீதமாக விழுந்திருக்கும். சுருக்கமாக சொல்லப் போனால், 30 சதவீத ஓட்டுக்கு மதிப்பு கொடுத்து அவரை, எம்.பி., அல்லது எம்.எல்.ஏ., ஆக்குகிறது நமது தேர்தல் முறை. ஆனால், 70 சதவீத வாக்காளர்களின் ஓட்டுகளுக்கு எந்த மதிப்பும் தரவில்லை.

கடந்த, 1989 லோக்சபா தேர்தலில், தி.மு.க., 31 இடங்களில் போட்டியிட்டு, அனைத்திலும் தோற்றது. ஆனால், அந்த கட்சிக்கு, 70 லட்சம் பேர் ஓட்டு போட்டு இருந்தனர். 1990 தேர்தலிலும், தி.மு.க., 29 தொகுதிகளில் போட்டியிட்டு, 56 லட்சம் ஓட்டுக்கள் வாங்கியும், ஒரு இடம்கூட ஜெயிக்கவில்லை. 2014 லோக்சபா தேர்தலில், தி.மு.க., 24 சதவீத ஓட்டு பெற்றது; 95 லட்சம் பேர், தி.மு.க.,வுக்கு ஓட்டு போட்டிருந்தனர். எனினும், ஒரு எம்.பி., கூட கிடைக்கவில்லை. மாறாக, 2014 லோக்சபா தேர்தலில், பா.ஜ., பெற்ற ஓட்டுக்கள், 17 கோடியே, 16 லட்சத்து, 37 ஆயிரத்து 684. இது மொத்த ஓட்டுக்களில், 31 சதவீதம்தான். ஆனால், அக்கட்சிக்கு, 282 எம்.பி.க்கள் இருந்தனர். இது மொத்தமுள்ள, எம்.பி.,க்களின் எண்ணிக்கையில், 51.9 சதவீதம்.அதே போல் காங்கிரசுக்கு, 10 கோடியே, 69 லட்சத்து, 35 ஆயிரத்து, 311ஓட்டுக்கள் கிடைத்தன. இது, 19.3 சதவீதம். ஆனால், காங்., — எம்.பி.,க்களின் எண்ணிக்கை, 44 மட்டுமே. அந்த தேர்தலில், உ.பி.,யில், 20 சதவீத ஓட்டுக்களை பெற்ற, பகுஜன் சமாஜ் கட்சிக்கு, ஒரு எம்.பி., கூட கிடைக்கவில்லை.

விகிதாச்சார தேர்தல் முறையில்,
ஒவ்வொரு கட்சியும் பெற்ற ஓட்டு விகிதத்துக்கு ஏற்ப, சட்டசபை மற்றும் பார்லிமென்டில் இடங்கள் வழங்கப்படுகின்றன. சட்டசபை உறுப்பினர் எண்ணிக்கை, 100 என வைத்துக்கொண்டால், 1 சதவீத ஓட்டு பெற்ற ஒரு கட்சிக்கு, ஒரு இடம் கிடைப்பது உறுதி. பிரதிநிதிகள் பட்டியலை கட்சிகள் முன்கூட்டியே சமர்ப்பிக்க வேண்டும். கட்சிக்கு கிடைக்கும் மொத்த ஓட்டுக்களுக்கு, ஏற்ப ஏற்கனவே கட்சி அளித்துள்ள பெயர் பட்டியல்படி,எம்.பி., — எம்.எல்.ஏ.க்கள் அறிவிக்கப்படுவார்கள். தனித்து ஆட்சி அமைக்க, ‘மெஜாரிட்டி’ வராவிட்டால், ஒரே எண்ணம் கொண்ட கட்சிகளுடன் சேர்ந்து கூட்டணி ஆட்சி அமைக்கலாம். அரசியல், ஒரு, ‘பிசினசாகும்’ ஆபத்தை தடுக்க வேண்டும்; ரஷ்யா, ஜெர்மனி ஆஸ்திரியா, பெல்ஜியம், டென்மார்க், நார்வே, ஸ்பெயின், சுவீடன், சுவிஸ், பிரேசில், வெனிசுலா உள்பட பல நாடுகளில் விகிதாச்சார தேர்தல் முறையே நடைமுறையில் உள்ளது. பெரும்பாலான ஐரோப்பிய நாடுகள் இம்முறையையே பின்பற்றுகின்றன.
இலங்கை, இம்முறையில் தான், எம்.பி.,க்களை தேர்ந்தெடுக்கிறது. கடந்த, 1932 ல் ஆண்டு ஜெர்மனியில் நடைபெற்ற தேர்தலில், 33.1 ஓட்டுக்களை பெற்றே ஹிட்லர் அதிபராக வந்தார். 1949ம் ஆண்டு அந்த நாட்டில், விகிதாச்சார தேர்தல் முறை வந்தது. விகிதாச்சார பிரதிநிதித்துவம் கொண்ட ஜனநாயக ஆட்சி தான் சிறந்தது என்ற நம்பிக்கை, அன்று முதல் பரவலானது. அப்படி மாறுவது, இங்குள்ள பல்வேறு சமூகங்களின் அச்சத்தை அகற்றுவதுடன், நாட்டின் எதிர்கால குழப்பங்களுக்கான தீர்வாகவும் அமையும் என்பது, 1928ம் ஆண்டு நேருவின் கருத்தாக இருந்தது.

பின்னர் அவர் பார்வை மாறியது வேறுவிஷயம். 1962 ல் கோவையில் நடைபெற்ற, தி.மு.க., பொதுக்குழுவிலும், மாநாட்டிலும், தேர்தல் அறிக்கையிலும் இந்தியாவுக்கு விகிதாச்சார பிரதிநிதித்துவ முறை வேண்டும் என்று அண்ணாதுரை வலியுறுத்தினார். 1974ம் ஆண்டு, ஜெயபிரகாஷ் நாராயணனால் நியமிக்கப்பட்ட தார்க்குண்டே குழு ஜெர்மனியில் இருப்பது போன்ற தேர்தல் முறை இந்தியாவுக்கு வேண்டும் என பரிந்துரைத்தது.
அதன் பிறகு, தினேஷ் கோஷ்சுவாமி குழு (1990), வோரா கமிட்டி (1993), இந்திரஜித் குப்தா குழு (1998), தேர்தல் சட்ட திருத்தத்தின் மீதான சட்ட ஆணையத்தின், 170வது அறிக்கை (1999), அரசியல் சாசன நடைமுறை மறு ஆய்வுக்கான தேசிய ஆணையம் (2001), இந்திய தேர்தல் ஆணையத்தால் முன்னுரைக்கப்பட்ட தேர்தல் சீர்திருத்தங்கள் (2004), நிர்வாக சீர்திருத்த, இரண்டாவது ஆணையம் (2008), மத்திய சட்ட அமைச்சர் வீரப்ப மொய்லி தலைமையிலான இந்திய சட்ட ஆணையம் (2011) ஆகிய அனைத்தும் விகிதாச்சார பிரதிநிதித்துவம் குறித்து நீண்ட ஆய்வை சமர்பித்தன.எனினும், எந்த மாற்றமும் நிகழவில்லை. விகிதாச்சார பிரதிநிதித்துவ தேர்தல் முறை வந்தால்,

அனைத்து ஓட்டுகளும் மதிப்பு பெறும். பணபலம், ரவுடியிசம், சாதி, மதவெறி குறைய வாய்ப்பு ஏற்படும். அவரவர் ஜாதி ஆதரவின் அடிப்படையில் பிரதிநிதித்துவம் பெறக்கூடும் என்றாலும், மாகாணம் முழுவதும் சிதறிக்கிடக்கிற ஜாதிகளும், சிறிய ஜாதிகளும் எளிதில் பிரதிநிதித்துவம் பெற முடியும்.
இந்தியா போன்ற பல்வேறு மொழிகள், இனங்கள் கொண்ட சுவிட்சர்லாந்து நாட்டில் விகிதாச்சார ஓட்டுரிமை நடைமுறையில் இருக்கிறது. இந்தியாவில் இப்போதுள்ள தேர்தல் முறையை பின்பற்றிய, 89 நாடுகள், இன்று விகிதாச்சார பிரதிநிதித்துவ முறைக்கு மாறி விட்டன. உலகில் பெரும்பாலான நாடுகளில் அந்த நடைமுறைதான் உள்ளது. ஒவ்வொரு துறையிலும் முன்னேறுவதாக சொல்லப்படும் நமது நாடு, அனைத்து துறைகளுக்கும் தாயான, தேர்தல் துறையில் தேர்தல் முறையில் பின்தங்கி நிற்கலாமா? விகிதாச்சார பிரதிநிதித்துவ தேர்தல் முறையை கொண்டுவர கட்சிகளுக்கு நாம்தான் அழுத்தம் கொடுக்க வேண்டும். நாம் போடும் ஓட்டுக்கு மரியாதை வேண்டுமா, வேண்டாமா? யோசியுங்கள்.
நன்றி-ப.திருமலை, பத்திரிகையாளர்

நோட்டா மிகப்பெரிய ஏமாற்று வேலை.

நோட்டா மிகப்பெரிய ஏமாற்று வேலை
https://youtu.be/grV2cmuPqVo

தேர்தல் சட்டம் தொடர்பான Youtube
பதிவுகள்

தேர்தலில் குற்றம் அதிகரிக்க காரணம் என்ன ???
https://youtu.be/vhq5lpq7bNs

ஒட்டுக்கு லஞ்சம் குற்றமா ???
https://youtu.be/_Onp0iqqqHc

கள்ள ஓட்டு உங்கள் பங்கு
https://youtu.be/WBHU5Q6Hl4c

பொய் பிரச்சாரம்
https://youtu.be/ucUZzEPjIhY

அனுமதி பெறாமல் கூட்டம் நடத்தினால் தண்டனை ???

MP தேர்தலில் போட்டியிட என்ன தேவை
https://youtu.be/I40gt4uqKLo

வாக்காளர் அடையாள அட்டை இருக்கு வாக்களர் பட்டியலில் பெயர் இல்லை ஓட்டு போட முடியுமா ???
தீர்வு என்ன ???

வேட்பு மனு முன்மொழிதல் சட்ட சிக்கல்கள்
https://youtu.be/7Ke5jqN0ywI

வேட்பு மனு சட்ட விளக்கம்
https://youtu.be/KJauWQPMxog

நடிகர் விஜய் + தேர்தல் ஆணையகத்தின் ஏமாற்று வேலை – தேர்தல் சட்டம்49 p
https://youtu.be/w864ooYmmwg

வேட்பு மனு தாக்கல் செய்ய எத்தனை நபர்கள் செல்லலாம்
https://youtu.be/-votEEMF4rk

சுழற்றியடிக்கும் இந்திய தேர்தல் சட்டம்

வாக்கு சாவடியில் எப்படி தேர்தல் நடைபெறும்
https://youtu.be/Cym14M7FSrc

ஆத்தா நான் சப்பானிக்கு ஓட்டு போட போறேன் – மயிலு
செல்லாது செல்லாது வெளியே போம்மா _ தேர்தல் அதிகாரி
https://youtu.be/oRzXh0c5B80

ஒரே நபர் அவரின் 2-வது ஒட்டினை போட்டால் குற்றமா???

தேர்தல் சட்டம் 49 ஓ
https://youtu.be/yhsrx4rmjN4

நமது பதிவுகள்
https://www.youtube.com/channel/UCqKIFnD7BqLyG99OCaKp8Tg

Thanks for Information
திரு. நல்வினை விஸ்வராஜு வழக்கறிஞர்.

(https://www.facebook.com/groups/453406141356664/?ref=bookmarks)

சேலத்திலும் ஒரு பொள்ளாச்சி சம்பவம்……!?

சேலம்: சேலத்திலும் இளம் பெண்களை ஆபாச படம் எடுத்து ‘வாட்ஸ் ஆப் பேஸ்புக்’கில் பரப்புவோம் என மிரட்டி அவர்களுடன் ஜாலியாக இருந்த கும்பல் போலீசில் சிக்கியது. ஆனால் தேர்தலை காரணம் காட்டி அதிகாரிகள் திருட்டு வழக்கு மட்டும் பதிவு செய்தள்ளனர்.

தமிழகத்தையே உலுக்கிய பொள்ளாச்சி பாலியல் சம்பவத்தின் தாக்கம் இன்னும் குறையாத நிலையில் சேலத்திலும் பொள்ளாச்சியை மீறும் வகையில் சம்பவங்கள் அரங்கேறி இருப்பது அதிர்ச்சியை ஏற்படுத்தியுள்ளது.

ஈரோடு மாவட்டம் பவானியை சேர்ந்தவர் பவித்ரா 25. இவரது உறவினர் சேலம் அஸ்தம்பட்டியை சேர்ந்த மோகன சுந்தரம் 25. இருவரும் 22ம் தேதி இரவு 12:00 மணிக்கு பவானிக்கு பைக்கில் சென்றனர். வழியில் சேலம் பட்டர்பிளை பாலம் அருகே ஒரு கும்பல் வழிமறித்து பவித்ராவிடம் செயின் பறிப்பில் ஈடுபட்டது. அவரது புகாரின்படி கொண்டலாம்பட்டி போலீசார் புத்துாரை சேர்ந்த 11 பேரிடம் விசாரணை நடத்தினர். இதில் பல்வேறு அதிர்ச்சி தகவல்கள் வெளியாகி உள்ளன. சேலம் நாமக்கல் மாவட்டங்களைச் சேர்ந்த மாணவ – மாணவியர் காதலர்களுடன் இரவு நேரங்களில் வரும்போது பட்டர்பிளை மேம்பாலம் அருகே சிலர் வழி மறித்து காதலர்களை துரத்தி விட்டு மாணவியரை மிரட்டி அவர்களுடன் ஜாலியாக இருந்து ஆபாச படம் எடுத்தது தெரியவந்தது.

அந்த காட்சிகளை அலைபேசியில் படம் பிடித்து ‘வாட்ஸ் ஆப் பேஸ்புக்கில் பரப்புவோம்’ எனக்கூறி மிரட்டி பணம் பறிக்கும் செயல்களிலும் ஈடுபட்டு வந்துள்ளனர். மல்லுார் சீலநாயக்கன்பட்டி கொண்டலாம்பட்டி அரியானுாரை சேர்ந்த 10க்கும் மேற்பட்ட பெண்கள் இவர்களால் பாதிக்கப்பட்டுள்ளனர். இதில் வசதியான பெண்களிடம் நகை பணத்தை கறந்துள்ளனர்.

இதில் முக்கிய குற்றவாளியான புத்துாரை சேர்ந்த மணிகண்டன் 31 என்பவனை பவித்ராவிடம் நகை பறித்த வழக்கில் போலீசார் நேற்று கைது செய்தனர். அவனது கூட்டாளிகள் மூவரை வேறொரு வழக்கில் கைது செய்து கணக்கு காட்டி உள்ளனர். இந்த கும்பல் மூன்று ஆண்டுகளாக பல பெண்களை மிரட்டி அவர்களுடன் ஜாலியாக இருந்த அதிர்ச்சி தகவல்கள் வெளியாகியுள்ளன. லோக்சபா தேர்தல் காரணமாக போலீசார் செயின் பறிப்பு வழக்கில் மூன்று பேரை மட்டுமே கைது செய்து பலாத்காரம் மிரட்டி பணம் பறித்த சம்பவங்களை மூடி மறைத்துள்ளனர்.

அம்பலமானது எப்படி?
பவானி இளம்பெண் பவித்ரா உறவினர் மோகனசுந்தரத்தை காதலித்து வந்துள்ளார். இருவரும் பவானிக்கு பைக்கில் சென்ற போது பட்டர்பிளை பாலத்தின் அருகே நிறுத்தி பேசியபடி இருந்துள்ளனர். இதை பார்த்த கும்பல் காதலர்களிடம் வந்து மிரட்டல் விடுத்துள்ளது. கத்தி முனையில் பவித்ராவை மிரட்டிய மணிகண்டன் ‘முத்தம் கொடு’ என கேட்டுள்ளான். அதற்கு அவர் சம்மதிக்கவில்லை. அது மட்டுமின்றி ‘என்னுடன் ஜாலியாக இருந்தால் விட்டு விடுகிறேன்’ எனவும் கூறியுள்ளான். அதற்கு சம்மதிக்காத அவர் தன்னை காப்பாற்றிக் கொள்ள தான் அணிந்திருந்த 5 சவரன் செயினை கழற்றி கொடுத்துள்ளார். இது போலீஸ் விசாரணையில் தெரிந்தது.
தகவல் – கிராமத்தான் முயாஷா.
நன்றி – https://www.dinamalar.com/news_detail.asp?id=2241788.

கீழ்மாந்தூர் அருள்மிகு மாரியம்மன் கோவில் தீமிதி திருவிழா.

தஞ்சாவூர் மாவட்டம் திருவிடைமருதூர் தாலுகா
23 கீழ்மாந்தூர்
அருள்மிகு மாரியம்மன் கோவில்
தீமிதி திருவிழா……..

காப்புக்கட்டுதல் 17 ஏப்ரல் 2019

தீமிதி திருவிழா 26 ஏப்ரல் 2019

-கீழ்மாந்தூர் கிராமம்.

சூலூர் தொகுதி அதிமுக எம்எல்ஏ கனகராஜ் மரணம்.

கோவை : கோவை மாவட்டம் சூலூர் தொகுதி அதிமுக எம்எல்ஏ., கனகராஜ் (64) மாரடைப்பால் மரணம் அடைந்தார்.

கோவை மாவட்டம் சூலூரில் உள்ள தனது வீட்டில் இன்று காலை செய்தித்தாள் படித்துக் கொண்டிருந்த போது கனகராஜிற்கு திடீரென மாரடைப்பு ஏற்பட்டுள்ளது. இதனையடுத்து சிறிது நேரத்திலேயே, அவரது உயிர் பிரிந்தது. சூலூர் சுல்தான்பேட்டையை சேர்ந்த கனகராஜிற்கு மனைவி, ஒரு மகன் மற்றும் ஒரு மகள் உள்ளனர்.
கடந்த 30 ஆண்டுகளாக அரசியலில் இருந்து வந்த கனகராஜ், மாவட்ட ஊராட்சி தலைவராக இருந்துள்ளார். அதன் பிறகு கடந்த சட்டசபை தேர்தலின் போது அதிமுக சார்பில் சூலூர் தொகுதியில் போட்டியிட வாய்ப்பு வழங்கப்பட்டது. கனகராஜின் உடல், பொதுமக்கள் அஞ்சலிக்காக அவரது வீட்டில் வைக்கப்பட்டுள்ளது.

இரங்கல்
கனகராஜ் மறைவுக்கு முதல்வர் இ.பி.எஸ்., துணை முதல்வர் பன்னீர்செல்வம், திமுக தலைவர் ஸ்டாலின், மத்திய அமைச்சர் பொன்.ராதாகிருஷ்ணன் உள்ளிட்டோர் இரங்கல் தெரிவித்துள்ளனர்.

கருப்பை கட்டிகளை நீக்கி கருப்பையை பலப்படுத்தவும் மற்றும் குழந்தையில்லா குறைபாட்டை சீர் செய்ய உதவும் அற்புதமான பாயாசம்.

இன்றைய காய்கறி மருத்துவ சிந்தனை—

காயமே (உடலே) மருத்துவர்…!
காய்கறிகளே மருந்து…!

உணவை மருந்தாக்கு…..!
மருந்தை உணவாக்காதே…..!

கீரைகள் ” நடமாடும் சித்தர்கள் ”

தலைப்பு :
————–

கருப்பை கட்டிகளை நீக்கி கருப்பையை பலப்படுத்தவும் மற்றும் குழந்தையில்லா குறைபாட்டை சீர் செய்ய உதவும் அற்புதமான பாயாசம்
——————————–

சோற்றுக் கற்றாழை பாயாசம்.
————————————————

தேவையான பொருட்கள்
——————————————

சோற்றுக் கற்றாழைச் சோறு – கால் கிலோ
முந்திரி பருப்பு. – 10
பாதாம் பருப்பு. – 10
உலர் திராட்சை – 10 கிராம்
சிறு பருப்பு. – 100 கிராம்
ஏலக்காய். – 5
நாட்டுச்சக்கரை – 100 கிராம்
நெய் – ஒரு ஸ்பூன்

செய்முறை
—————————–

முதலில் சோற்றுக் கற்றாழையின் சோற்றை அரிசி கழுவிய நீரில் முறைப்படி கழுவி எடுத்து வைத்துக்கொள்ளவும் .

சிறு பருப்பை குழைய நன்கு வேகவைத்து மசித்துக் கொள்ளவும்.

ஒரு வாணலியில் ஒரு ஸ்பூன் நெய் விட்டு முந்திரி மற்றும் பாதாம் பருப்புகளை ஒன்றிரண்டாக பொடித்து போட்டு அதனுடன் ஏலக்காயையும் , உலர்திராட்சையையும் சேர்த்து கொள்ளவும். அதனுடன் சோற்றுக் கற்றாழைச் சோறு மற்றும் மசித்து வைத்துள்ள சிறு பருப்பு சேர்த்து வேக வைக்கவும்.நன்றாக வெந்தவுடன் நாட்டுச்சர்க்கரை சேர்த்து வேகவைத்து பாயாச பதத்தில் இறக்கி வைத்துக்கொள்ளவும்.

பயன்கள்
—————————-

இந்த பாயாசத்தை தொடர்ந்து குடித்து வந்தால் கருப்பையில் உண்டாகும் கட்டிகளை கரைத்து கருப்பையை பலப்படுத்தும் மற்றும் குழந்தையில்லா குறைபாட்டை சீர் செய்ய உதவும் அற்புதமான பாயாசம்.

இரவு படுக்கப் போகும் முன்
———————————————-

வெற்றிலை (2), மிளகு(2) , உலர் திராட்சை (5) இவை மூன்றையும் சேர்த்து தினமும் படுக்கப்போகும் முன் வாயில் போட்டு மென்று தின்று முழுங்கவும்.

குறிப்பு
————————

அனைத்து காய்களையும் , கீரைகளையும் நீராவியில் வேகவைத்து உணவாக சாப்பிட்டு வரவும்.

பச்சை மிளகாய்க்கு மாற்றாக இஞ்சியையும்

வர மிளகாய்க்கு மாற்றாக மிளகையும்
பயன்படுத்தவும்.

KOVAI  HERBAL  CARE 
VEGETABLES CLINIC

கோவை பாலா ,

இயற்கை வாழ்வியல் நல  ஆலோசகர் மற்றும்  காய்கறி சிகிச்சையாளர்.

Cell  :  96557 58609

Covaibala15@gmail.com

சமூதாய நலன்கருதி பகிர்வது
-கீழ்மாந்தூர் கிராமம்-
செவ்வாய் 19 மார்ச் 2019

(https://www.facebook.com/keezhmandur/)

தானத்தின் சிறந்தது
“இரத்ததானம்”,
ஆகையால் நல் உள்ளம் கொண்ட சகோதர்கள் இணைந்து சேவையாற்றிவீர்…!

https://chat.whatsapp.com/JS1iBjiXmJMKmbpStDgOB3

மற்றும் / அல்லது

https://chat.whatsapp.com/0bU0pa7m5lj4PhqeJbEkVg
தகவல் – கிராமத்தான் முயாஷா.

மயிலாடுதுறை இணையம்

https://www.mayilai.in

மயிலாடுதுறை இணையம்

அனைவருக்கும் வணக்கம், https://mayilai.in என்கிற இந்த இணையதளம் "மயிலாடுதுறை (Mayiladuthurai, Mayuram, Mayavaram)" என்கிற முகநூல் குழு நண்பர்களால் உருவாக்கப்பட்டது. இதில் நிருபர்களாகவும், ஆசிரியர்களாகவும் செயல்படும் அனைவருமே ஊதியமின்றி செயல்படும் தன்னார்வலர்களே. நம்மூர் செய்திகளை முதன்மை படுத்துவதும், சமூக தேவைகளுக்கு துணையாய் நிற்பதுமே நமது குறிக்கோள். முடிந்த வரை அனைத்து விதமான செய்திகளையும், கட்டுரைகளையும் இதனுள்ளில் கொண்டு வர முயற்சி செய்கிறோம். இந்த இணையத்தை மேலும் பயனுள்ளதாக்கி சிறப்பிக்க அனைவரது பங்களிப்பையும் வேண்டுகிறோம். எங்களோடு இணைந்து செயல்பட கீழே கொடுத்துள்ள இணைப்பில் பதிவு செய்து, அதன் கீழே கொடுத்துள்ள வாட்ஸாப் அல்லது முகநூல் செய்தியாக உங்கள் விருப்பத்தை வெளிப்படுத்துங்கள். அனைவருடைய பங்கெடுப்பிற்கும் எங்களது மனமார்ந்த நன்றி. - நிர்வாகிகள். https://mayilai.in/register/

பிரிவுகள்