செவ். அக் 22nd, 2019

இசன் Maruff

மயிலாடுதுறையில் நடைபெற்ற மாநில அளவிலான யோகாசன போட்டி

மயிலாடுதுறை அக் 21: இந்தியன் ஸ்போர்ட்ஸ் அகாடமி, நேரு யுவகேந்திரா நாகை மாவட்டம் சார்பில் மாநில அளவிலான யோகாசன போட்டி தியாகி.G.நாராயணசாமி நகராட்சி மேல்நிலைப்பள்ளியில் நடைபெற்றது.

பள்ளி முதல் கல்லூரி வரை மாணவ மாணவிகள் வயது அடிப்படையில் தரம் பிரிக்கப்பட்டு போட்டிகள் நடைபெற்றது. 200க்கும் மேற்பட்ட மாணவ மாணவிகள் 10 பிரிவுகளில் பங்கேற்றனர். போட்டிகளின் முடிவில் வெற்றி பெற்ற மாணவ மாணவியருக்கு பதக்கம் மற்றும் சான்றிதழ் வழங்கி கௌரவித்தனர். 

மாஸ்டர் ரவிச்சந்திரன் முன்னிலை நடைபெற்ற இந்த போட்டியில் சிறப்பு அழைப்பாளர்களாக அண்ணா திராவிட கழக அவைத்தலைவர் P.N.ரத்தினகுமார், மாவட்ட செயலாளர் சுதாகர் கலந்து கொண்டனர். இந்த விழாவில் மாணவ மாணவிகளின் பெற்றோர் உள்ளிட்ட பொதுமக்களும் கலந்து கொண்டனர்.

– நன்றி Mayiladuthurai News

 

 

முகநூலில் ஆயிரம் கவிதை எழுதிய கவிஞர் இரா.சிவகுமார்

மயிலாடுதுறை அக்.21: முகநூலில் ஆயிரம் கவிதை எழுதிய கவிஞர் இரா.சிவகுமார் அவர்களுக்கு மயிலாடுதுறையை சேர்ந்த முகநூல் நண்பர்கள் சார்பில் அரிமா சங்க தலைவர், ஜெனிபர் ஸ்வீட்ஸ் உரிமையாளர் பவுல்ராஜ் அவர்களின் தலைமையில் மயிலாடுதுறை, யூனியன் கிளப்பில் பாராட்டு விழா நடைபெற்றது.

இந்த நிகழ்ச்சியில் மயிலாடுதுறை மட்டுமில்லாமல் கடலூர், ஈரோடு, பொள்ளாச்சி, சென்னை உள்ளிட்ட பல்வேறு ஊர்களில் இருந்தும் முகநூல் நண்பர்கள் வந்து கவிஞரை வாழ்த்தி பேசினார்கள். மயிலாடுதுறையை சேர்ந்த ஒருவர் முகநூலில் எழுதிய கவிதைக்காக வெளியூரிலிருந்தெல்லாம் முகநூல் நண்பர்கள் வந்திருக்கிறார்கள் என்பதே அவரது கவிதையின் சொல் வன்மைக்கு சான்றாக அமைந்தது.

கவிஞர் பூவை சாரதி அவர்கள் கவிஞர் இரா.சிவக்குமார் அவர்களை வாழ்த்தி தான் எழுதிய “கதிரவன் காலையில் எழுந்திடுமே” என்ற பாடலை பாடினார். இந்த விழாவில் பல கவிஞர்கள், எழுத்தாளர், பேராசிரியர்கள், தமிழ் ஆர்வலர்கள் கலந்து கொண்டு கவிஞரை வாழ்த்தி பேசினார்கள். வாழ்த்தி பேசிய பலர் இவர் எழுதிய கவிதைகளை விரைவில் புத்தகமாக வெளியிட வேண்டும் என்று வலியுறுத்தினார்கள்.

சிறப்புரையாற்றிய திரைப்பட இயக்குனர் யார் கண்ணன் அவர்கள், கவிஞர்கள் இனி காதலையும் காமத்தையும் தவிர்த்து விட்டு மகாகவி பாரதியைப் போல் சமூக சிந்தனையோடு எழுத வேண்டும் என வலியுறுத்தினார்.இறுதியாக கவிஞர் இரா.சிவக்குமார் ஏற்புரை வழங்கினார்.

இந்நிகழ்ச்சியில் தேசிய மேல்நிலைப்பள்ளியின் ஓய்வுபெற்ற தலைமையாசிரியர் ராஜேந்திரன், முன்னாள் சட்டமன்ற உறுப்பினர் ஜெகவீரப்பாண்டியன், தமிழ் ஆர்வலர்கள் மற்றும் முகநூல் நண்பர்கள் கலந்து கொண்டனர். பத்திரிகை ஆசிரியர் சிவசுப்பிரமணியன் நிகழ்ச்சியினை தொகுத்து வழங்கினார்

– நன்றி Mayiladuthurai News

மயிலாடுதுறையில் விழுதுகள் இரத்ததான சேவை மையத்தின் இரத்ததான முகாம்

மயிலாடுதுறை அக்.21: உலகம் முழுவதும் ஒவ்வொரு இரண்டு நொடிகளுக்கும் ஒருவருக்கு ரத்தம் தேவைப்படுகிறது. விபத்துக்களில் சிக்கியவர்களுக்கு ரத்தம் அவசரமாகவும், அவசியமாகவும் தேவைப்படும். விபத்தில் மனிதர்கள் உயிரிழப்பதற்கு முக்கியக் காரணம் ரத்த சேதமாகும். உடனடியாக இந்த இழப்பைச் சரிசெய்வதன் மூலம் உயிர் காக்கப்படும்.

எனவே இரத்ததானத்தின் அவசியத்தை வலியுறுத்தி மயிலாடுதுறையில் உள்ள கல்லூரி மாணவர்கள் இணைத்து உருவாக்கிய அமைப்பே விழுதுகள் இரத்ததான சேவை மையம். இந்த அமைப்பின் மூலம் கடந்த ஐந்து ஆண்டுகளில் பல உயிர்கள் காப்பற்றபட்டுள்ளன என்பதே நிதர்சனமான உண்மை.

21.10.2018 அன்று ஞாயிற்றுக்கிழமை காலை, மயிலாடுதுறை தாலுகா அலுவலகம் அருகே ROA சங்க அலுவலகத்தில் விழுதுகள் இரத்ததான சேவை மையத்தின் இரத்ததான முகாம் மற்றும் விழுதுகள் அமைப்பின் ஐந்தாம் ஆண்டு துவக்க விழா ஆலோசனை கூட்டம் நடைபெற்றது.

இரத்ததான முகாமை ஸ்டார் மீடியா உரிமையாளர் உமர் துவக்கி வைத்தார். பல இளைஞர்கள் தாமாக முன்வந்து இரத்ததானம் செய்தனர். இந்த முகாமில் 55 யூனிட் இரத்தம் பெறப்பட்டு மயிலாடுதுறை அரசினர் பெரியார் மருத்துவமனையின் அரசு மருத்துவர் Dr. சிவக்குமார் M.D மற்றும் செவிலியர்கள் மூலம் அரசு மருத்துவமனைக்கு வழங்கப்பட்டது.

இந்த நிகழ்ச்சியில் விழுதுகள் அமைப்பின் தலைவர் தமிழரசன், செயலாளர் சூர்யா, பொருளாளர் ராகுல் ராஜ், உறுப்பினர்கள் மற்றும் திரளான பொதுமக்களும் இளைஞர்களும் கலந்து கொண்டனர்.

– நன்றி Mayiladuthurai News

மயிலாடுதுறையில் உதவி தொகையுடன் கூடிய இலவச தொழிற்பயிற்சி

மயிலாடுதுறை அக்.21: தமிழ்நாடு திறன் மேம்பாட்டு கழகம் (TNSDC) மற்றும் கட்டுமான தொழில் வளர்ச்சிக்குழுமம் (CIDC) இணைந்து நடத்தக்கூடிய உதவித்தொகையுடன் இளைஞர்களுக்கான இலவச திறன் மேம்பாட்டு வேலைவாய்ப்பு பயிற்சி நடைபெற்று வருகிறது. இந்த பயிற்சியில் 18 வயது முதல் 40 வயது வரை யாவரும் பங்கேற்கலாம்.

வேலைவாய்ப்பு பயிற்சிகள்:

  • கட்டுமான வேலை ( Mason General)
  • அசிஸ்டெண்ட் எலக்ட்ரீசியன் ( Assistant Electrician)
  • கம்பி வேலை செய்பவர் (Bar Bender & Steel Fixer )
  • கட்டுமான வேலை டைல்ஸ் கல் பதிப்பது (Mason Tiling)
  • பிளம்பர் ( Plumber)
  • கட்டிட பெயிண்டர் மற்றும் டெகரேட்டர் ( Construction painter & Decorator )

தேவையான ஆவணங்கள்:

கல்வி தகுதி சான்றிதழ், முகவரி சான்று, அடையாள சான்று, பாஸ்போர்ட் அளவு புகைப்படம் – 4

தொடர்பு கொள்ள வேண்டிய முகவரி:
IAT தொழிற் பயிற்சி நிறுவனம்
M. A. ரசாக் டவர், இரண்டாவது தளம், கச்சேரி ரோடு, மயிலாடுதுறை.
தொலைபேசி: 9842415073

– நன்றி Mayiladuthurai News

நம்ம ஊரு சாதனை பெண்மணி

தன் மகளின் மருத்துவ கனவை நனவாக்கிய மயிலாடுதுறையின் பெண் கூலித்தொழிலாளி

இவர்தாங்க நம்ம மயிலாடுதுறையின் சாதனை பெண்மணி ராஜாமணி. மயிலாடுதுறை இராணி மஹால் அருகில் தட்டாரத்தெருவில் வசித்து வருகிறார். மயிலாடுதுறை மீன் மார்க்கெட்டில் மீன் வெட்டி கழுவி சுத்தம் செய்து தரும் கூலித்தொழிலாளி. தற்போது 44 வயதாகும் ராஜாமணிக்கு 2 குழந்தைகள். மூத்த பையன் இரத்த சுரப்பி வளர்ச்சி இல்லாததினால் உடல் ஊனமுற்று வீட்டிலேயே முடங்கி கிடக்கிறார். இரண்டாவது மகள் விஜயலட்சுமி நான்காம் ஆண்டு மருத்துவம் (Doctor of Medicine) ரஷ்ய நாட்டில் படிக்கிறார். 22 ஆண்டுகளுக்கு முன் மருத்துவ மாணவி விஜயலட்சுமி 11 மாத குழந்தையாக இருக்கும் போது அவரது தந்தை ராஜேந்திரன் இறந்துவிட்டார். தன் கணவனை இழந்துவிட்ட நிலையில் தன் பிள்ளைகளை வளர்த்து ஆளாக்க வேண்டிய பெரும் பொருப்பு ராஜாமணிக்கு. மீனை கழுவி சுத்தம் செய்து தரும் வருமானத்தில் தன் பிள்ளைகளை வளர்த்து வந்தார் ராஜாமணி. தன் வியர்வை சிந்திய உழைப்பால் தற்போது தன் மகளின் மருத்துவ கனவையும் நனவாக்கியுள்ளார். தன் மகளின் மருத்துவ படிப்பிற்காக ஒரு வருடத்திற்கு கிட்டத்தட்ட 6 லட்சம் செலவாகிறது. இவ்வளவு பெரிய தொகையை செலுத்த முடியாமல் தன் குடியிருக்கும் வீட்டையும் விற்கும் நிலைக்கு தள்ளப்பட்டுள்ளார் ராஜாமணி.

கனவு என்னும் கரையை நோக்கி
ஆசை என்னும் அலைகளை கண்டுகொள்ளாமல்,
அறிவுரை என்னும் ஆழத்தை நினைக்காமல்,
கஷ்டங்கள் பல கண்டாலும்
கலங்கரை விளக்கின் வெளிச்சத்தை(மருத்துவ கனவு) மனதில் கொண்டு,
கடந்து வந்த பாதையை நினைத்து கவலைபடாமல்
கரைதொடும் நேரம் தூரம் இல்லை என நினைக்கும்,
உறுதியான மனம் தந்த இறைவா!

அவளின் கனவுகளை கலைக்காமல்
ஒவ்வொன்றாய் நனவாக்கவே
இறைவா நீ அவளை
எனக்களித்தாய்!

– நன்றி Mayiladuthurai News

சென்னை(23/10/2018): AB-VE இரத்தம் தேவை (7845626306)

🚨 CHENNAI AB-VE🚨
Request No. #RT1810231643
Patient Name : Bro.XAVIOUR/ 54
Problem : OPEN HEART SURGERY
Blood group/units : AB-VE / 3 UNITS
Hospital name : CHERIYAN HOSPITAL,MUGAPAIR, CHENNAI
Date : 25/10/2018
Attender name /relation : Mr.Shibin / Son
Attender No : +917845626306
Verified by – இரத்த தானம் TEAM (RTVTKS03)
(தன்னார்வல, இலவச ரத்த தான சேவை குழுமம்)
இந்த குருதி பிரிவு உடைய, நல் உள்ளங்கள் தானம் செய்யுங்கள், மற்ற அன்பர்கள் இப்பதிவை உங்கள் நண்பர்களுக்கு பகிர்ந்து உதவுங்கள்.

​எங்களோடு சேர்ந்து உதவிக்கரம் நீட்ட…​
https://chat.whatsapp.com/5Dkfou96zJu623xru5zdb5

தேவை முடிந்தது – ஈரோடு(23/10/2018): B-VE இரத்தம் தேவை (9659447696)

🚨 ERODE B-VE🚨
Request No. #RT1810231633
MOST EMERGENCY
Patient Name : Bro.MUTHUSAMY/ 65
Problem : OPEN HEART SURGERY
Blood group/units : B-VE / 3 UNITS
Hospital name : KMCH HOSPITAL, NEAR GH (OPP) ERODE
Date : 23/10/2018 /IMMEDIATELY NEED
Attender name /relation : Bro.Varadharaj/ Son
Attender No : +919659447696/+919566679953
Verified by – இரத்த தானம் TEAM (RTVTS03)
(தன்னார்வல, இலவச ரத்த தான சேவை குழுமம்)
இந்த குருதி பிரிவு உடைய, நல் உள்ளங்கள் தானம் செய்யுங்கள், மற்ற அன்பர்கள் இப்பதிவை உங்கள் நண்பர்களுக்கு பகிர்ந்து உதவுங்கள்.

​எங்களோடு சேர்ந்து உதவிக்கரம் நீட்ட…​
https://chat.whatsapp.com/5Dkfou96zJu623xru5zdb5

இராமநாதபுரம்: B+ இரத்தம் தேவை (8778004278)

மிக அவசரமாக இரத்தம் தேவை

பெயர்:-்முருகேஸ்வரி*
ஊர்இராமநாதபுரம்*

செய்யது அம்மாள் மருத்துவமனை
இராமநாதபுரம் மாவட்டம்

இரத்த வகை*B+ positive (1unit)

இ.தேவையின் நோக்கம்
கற்பினி 7 மாசம்

உறவினர் தொடர்பு கொள்ள
8778004278

தகவல் பதிவு நாள்
19/10/18 5:27 pm

இவன்
TNTJ HQ RMD (SOUTH) 9042148305

பரியேறும் பெருமாள்: திருந்துங்கடா டீ வாங்கி தாரேன்

பரியேறும் பெருமாள்‘ படம் மூலமா தோழர் மாரி செல்வராஜ் இந்த சமூகத்துக்கு சொல்ல வரது என்னனா, “திருந்துங்கடா டீ வாங்கி தாரேன்”.

ரெண்டு மாசம் முன்னாடி ஒரு பறையிசை வரலாறு பத்தின நிகழ்வுல ஒரு விசயம் கேள்வி பட்டேன். அதாவது ஊரு சேரினு பிரிஞ்சு இருக்குற நம்ம கிராமங்கள்ல சேரில இருக்குறவங்க ஆண் நாய்கள வளர்க்க கூடாது. அப்டி ஏதாச்சும் ஆண் குட்டி பொறந்தா, அத அறுத்து போட்டுடனும். எங்க அந்த சேரில பொறந்த ஆண் நாய் ஊருல இருக்குற பெண் நாய்களோட சேந்துடுமோனு பயமாம். பிறப்பால் இங்க ஏற்ற தாழ்வு மனுசங்கள்ல மட்டும் பாக்கல அது மிருகங்கள் வரைக்கும் பாக்குறாங்கனு தெரிஞ்ச போது லைட்டா தொண்ட கவ்வுச்சு.

பரியேறும் பெருமாள் படத்துல இன்னும் இந்த ஏற்ற தாழ்வு வேற எங்க எங்கெல்லாம் தன்னோட வேலைய காட்டுதுனு சொல்லி இருக்கு. படம் பாக்கும் போது ஒரு நாலு அஞ்சு தடவ எனக்கு தொண்ட கவ்வுச்சு. நாம வெறும் முக்கியமான மாவட்ட செய்திகளா கடந்து போற ஒவ்வொரு சம்பவத்துக்கு பின்னாடியும் இருக்குற வலி வேதனை மூடத்தனம்னு எல்லாத்தையும் தெளிவு படுத்தியிருப்பாரு தோழர் மாரி.

வாழ்க்கைல ஒடுக்குமுறைய அனுபவிச்சவங்களுக்கு மட்டும் தான் ஒன்னொருத்தர் ஒடுக்கப்படும் போது அவங்க நிலைமை ஒடனே புரியும். இது வரைக்கும் எப்போவுமே உங்களக்கு வாழைப்பழம் வாயில ஊட்ட பட்டு இருந்தா, ஒன்னு உங்களுக்கு ஒடுக்கப்படுறவங்க நிலைமை புரிய லேட் ஆகும் இல்லாட்டி புரியவே புரியாது. இந்த லேட்டா புரியுற ஆளுங்களுக்கு பரியனோட பயணம் தன்னோட பயணமா உணர வெச்சு இருப்பாரு தோழர் மாரி. பல பேரால ஈசியா கேக்குற கேள்விகள ஏன் பரியனாள கேக்கவே முடியறது இல்லனு உங்களுக்கு புரியும். அந்த என்ன சொன்னாலும் புரியவே புரியாத ஆளுங்க மூஞ்சில, கடைசில காரி துப்பி இருக்கும் இந்த படம்.

இசை, பாடல் வரிகள், வசனம், நடிப்பு, யோகி பாபுவோட போற போக்குல பொசுக்குன்னு போடுற காமெடி எல்லாமே இந்த பரியனோட பயணத்த நமக்கு அழகா காட்டிருக்கு. கறுப்பி அண்ட் நான் யார் பாடல்கள் கண்டிப்பா எல்லாரையும் பாதிக்கும். திருநெல்வேலி படம்னாலே வெறும் ‘வாலே போலெ’ வெச்சு ஒப்பேத்துற படங்களுக்கு மத்தியில அந்த மாவட்டத்து மக்களோட வாழ்க்கையை ரெண்டரை மணி நேர கேண்டிட் ஷூட் மாதிரி அழகாவும் நேர்த்தியாவும் இந்த படம் காட்டிருக்கு.

ப. ரஞ்சித் அவரோட முதல் தயாரிப்பு, ராம் அவர்களோட அசிஸ்டன்ட் டைரக்டர் மாரி செல்வராஜ். இந்த ரெண்டு விசயமும் படம் பாக்குறதுக்கு முன்னாடியே ஒரு எதிர்பார்ப்ப ஏற்படுத்துச்சு. அந்த எதிர்பார்ப்பு கொஞ்சம் கூட மிஸ் ஆகல. படத்துல இத இப்டி பண்ணி இருக்கலாம் அந்த எடத்துல அத பண்ணியிருக்கலாம் அப்டி இப்டினு ஆயிரம் விமர்சனம் கண்டிப்பா வரும். தமிழ் சினிமால மிகவும் பேசப்பட்ட படங்கள்ல இதுவும் ஒரு படமா கண்டிப்பா இருக்கும். People won’t be able to ignore this movie.

இந்த படம் பாக்குற எல்லார்க்கும் ஒடுக்கப்படுறவங்க நிலைமை கண்டிப்பா கொஞ்சமாச்சும் புரியும். இத இங்கிலிஷ்ல Empathy_னு சொல்வாங்க. இந்த படத்த பாத்த பிறகும் கூட அந்த Empathy வராம ‘இப்போல்லாம் யாரு சார் இதெல்லாம் பாக்குறா’ அப்டினு சொல்றவங்களுக்கு தோழர் மாரி சொல்ற ஒரே மெசேஜ் ‘திருந்துங்க டா டீ வாங்கி தாரேன்’. படத்த முழுசா பாருங்க திருந்துங்க.

P.S. இந்த படம் ‘அந்த’ விசயத்த பத்தினது தான். ஆனா என் பதிவுல ஒரு வாட்டி கூட நா ‘அந்த’ வார்த்தைய யூஸ் பண்ணல. படத்துலயும் அப்டி தான். அந்த வார்த்தை உங்க காதுல விழாது

– Siva Raman S

தந்தை பெரியாரின் உருவம் போர்த்த வெள்ளிக்காசுகள்

வெள்ளிக்காசு

நமது தமிழ் நூல் மன்றம் சார்பில் தந்தை பெரியாரின் உருவம் போர்த்த வெள்ளிக்காசுகள் தாயாரித்துள்ளோம்.

இப்போ அதற்கென்ன தேவை என்று நீங்கள் கேட்கலாம்.

பெரியார் கொள்கை கொண்டோர், திருமணம், பிறந்தநாள் போன்ற கொண்டாட்டங்களுக்கு செல்லும் போது, எப்போதும் ஒரு கேள்வி நமக்கு முன் வரும், “என்ன பரிசளிப்பது, நூல்களா பணமா அல்லது வேறு ஏதாவது வாங்குவது என்றால் என்ன வாங்குவது?” என்பது தான் அது
நாம் பெரியாரின் நூல்களை கொடுத்தால் இவர்கள் படிப்பார்களா அல்லது பரணில் போட்டுவிடுவார்களா என்று கேள்வி நம் அனைவரின் மனதிலும் ஒரு வினாடி நிச்சயம் நிழலாடும்.

இறைமறுப்பு கொள்கை இல்லாதவர்களுக்கு அந்த பிரச்சனையே கிடையாது, ரூ.500-க்கு ஒரு வெள்ளிக்காசு வாங்கி சென்று பரிசளித்துவிடுவார்கள்,

நமக்கு பிரச்சனை என்னவென்றால், வெள்ளிக்காசுகளில் பெரும்பாலும் லட்சுமி அல்லது சரஸ்வதி உருவம் தான் பொறித்திருக்கும்.

எனவே நமது தோழர்கள் திருமணம், பிறந்தநாள் போன்ற கொண்டாட்டங்களுக்கு தயக்கமின்றி பரிசளிக்கும் விதமாக பெரியாரின் உருவம் பொறித்த வெள்ளி நாணயங்கள் தாயரித்துள்ளோம்.

இதை மற்றவர்கள் எப்படி எதிர்கொள்வார்கள் என்று கவலையே வேண்டாம், என் வீட்டுக்கு அருகில் உள்ள ஒரு பார்ப்பன மாமி ஒருவரின் பேத்தியின் பிறந்தநாள் விழாவுக்கு கடந்த வாரம் சென்ற போது 5 கிராம் வெள்ளி நாணயத்தை பரிசளித்தபோது, “ஆகா இதில் என்ன இருக்கிறது அவரும் ஒரு பெரியவா தானே” என்று சொல்லி மகிழ்வுடன் பெற்றுக் கொண்டார்

பெரியாரை வேண்டாம் என்று சொல்லுபவரும் கூட வெள்ளியை வேண்டாம் என்று சொல்லமாட்டார்கள்.

எதோ ஒரு வழியில் பெரியாரை எல்லோரிடமும் கொண்டு சேர்க்கும் முயற்சி என்று கூட இதை கொள்ளலாம், ஆனால் நிச்சயம் பூஜையில் வைக்க மாட்டார்கள், நாணயத்தின் பின் புறம் “கடவுளை மற, மனிதனை நினை” என்ற வரிகள் பொரித்துள்ளோம்

ஒரே நேரத்தில் பெரியார் மற்றும் அண்ணல் இருவரின் உருவம் பொறித்த வெள்ளி நாணயங்கள் வெளியிடத்தான் நினைத்தோம்
ஆனால் இந்த நாணயம் தயாரிக்க டை எனப்படும் அச்சு செய்யும் செலவே சுமார் ரூ.50,000/- ஆகிவிட்டது அதனால் அண்ணல் உருவம் பொறித்த வேல்லஈ நானாயம் அடுத்த மாதம் கொண்டு வர முடிவு செய்துள்ளோம்.

இந்த நாணயங்கள் 5 மற்றும் 10 கிராம் எடையில் கிடைக்கிறது, நமது தமிழ நூல் மன்ற வலைதளத்தில் பணம் செலுத்தி நீங்கள் பெற்றுக் கொள்ளலாம்,

இந்த நாணயங்கள் உங்களுக்கு இன்சுரன்ஸ் செய்யப்பட பதிவு தபாலில் அனுப்பிவைக்கப்படும், எனவே தொலைந்துவிடுமோ என்று அஞ்சவேண்டாம்.

பொதுவாக வெள்ளிப் பொருட்கள் தயாரிக்கும் போது அவற்றில் 92.5% வெள்ளியும் கடினதன்மைக்காக 7.5% வேறு சில உலோகங்களும் கலப்பார்கள்,
ஆனால் நமது நாணயங்கள் தூய்மையான 100% வெள்ளியில் தயாரிக்கப்பட்டுள்ளது

இந்த நாணயங்களின் விலை
5 கிராம் நாணயத்துக்கு – ரூ.300
10 கிராம் நாணயத்துக்கு – ரூ.600
இத்துடன் இன்சுரன்ஸ் செய்யப்பட பதிவு தபால் மற்றும் பேக்கிங் செலவு ரூ.100.

இன்றே பெரியாரின் உருவம் பொறித்த வெள்ளி நாணயத்தை வாங்க இந்த சுட்டியை அழுத்தவும் https://bit.ly/2ytLeKb

சென்னை சேர்ந்த நண்பர்கள் “தமிழ் நூல் மன்றம், 52, 5ஆவது தெரு, காசி எஸ்டேட், ஜாபர்கான்பேட்டை, சென்னை – 600 083 ” என்ற முகவரியில் நேரில் வந்து வாங்கி கொண்டால் ரூ.100 தபால் செலவு குறையும.

– Krishnavel T S

மயிலாடுதுறை இணையம்

https://www.mayilai.in

மயிலாடுதுறை இணையம்

அனைவருக்கும் வணக்கம், https://mayilai.in என்கிற இந்த இணையதளம் "மயிலாடுதுறை (Mayiladuthurai, Mayuram, Mayavaram)" என்கிற முகநூல் குழு நண்பர்களால் உருவாக்கப்பட்டது. இதில் நிருபர்களாகவும், ஆசிரியர்களாகவும் செயல்படும் அனைவருமே ஊதியமின்றி செயல்படும் தன்னார்வலர்களே. நம்மூர் செய்திகளை முதன்மை படுத்துவதும், சமூக தேவைகளுக்கு துணையாய் நிற்பதுமே நமது குறிக்கோள். முடிந்த வரை அனைத்து விதமான செய்திகளையும், கட்டுரைகளையும் இதனுள்ளில் கொண்டு வர முயற்சி செய்கிறோம். இந்த இணையத்தை மேலும் பயனுள்ளதாக்கி சிறப்பிக்க அனைவரது பங்களிப்பையும் வேண்டுகிறோம். எங்களோடு இணைந்து செயல்பட கீழே கொடுத்துள்ள இணைப்பில் பதிவு செய்து, அதன் கீழே கொடுத்துள்ள வாட்ஸாப் அல்லது முகநூல் செய்தியாக உங்கள் விருப்பத்தை வெளிப்படுத்துங்கள். அனைவருடைய பங்கெடுப்பிற்கும் எங்களது மனமார்ந்த நன்றி. - நிர்வாகிகள். https://mayilai.in/register/

பிரிவுகள்