வி. ஆக 22nd, 2019

- மு.ஷாஜஹான்.

அல்லையில் உண்டாகும் வலியிலிருந்து விடுபட.

—இன்றைய காய்கறி மருத்துவ சிந்தனை—

காயமே (உடலே) மருத்துவர்…!
காய்கறிகளே மருந்து…!

உணவை மருந்தாக்கு…..!
மருந்தை உணவாக்காதே…..!

தலைப்பு :
————
அல்லையில் உண்டாகும் வலியிலிருந்து விடுபட
—————————————

சத்துக்கள்
——————–
வைட்டமின் ஏ, கால்சியம், போலிக் அமிலம், பாஸ்பரஸ், இரும்புச்சத்துக்கள் நிறைந்துள்ளன

தீர்வு
———————————–
கோவைக்காய் (10) , கொத்தவரங்காய் (5) , வெற்றிலை (2) , புதினா (சிறிதளவு) இவை அனைத்தையும் மிக்ஸியில் போட்டு மோர் அல்லது தண்ணீர் நிறைய ஊற்றி நன்றாக அரைத்து ஜூஸாக்கி வைத்துக்கொண்டு காலை முதல் மாலை வரை கொஞ்சம் கொஞ்சமாக குடித்து வரவும் . தீர்ந்துவிட்டால் மறுபடியும் தயார் செய்து குடித்து வரவும்.

கோவைக்காயை நீராவியில் வேக வைத்து பொறியலாக செய்து அவற்றில் தேங்காயை அதிகமாகப் போட்டு உணவிற்கு அதிகமாக எடுத்துக்கொள்ளலாம்

பின்பு பசித்தால் உணவு எடுத்துக்கொள்ளுங்கள்

இரவு படுக்கப் போகும் முன்
————————————————–
வெற்றிலை (2), மிளகு(2) , உலர் திராட்சை (5) இவை மூன்றையும் சேர்த்து தினமும் படுக்கப்போகும் முன் வாயில் போட்டு மென்று தின்று முழுங்கவும்.

குறிப்பு
—————————————-
அனைத்து காய்களையும் , கீரைகளையும் நீராவியில் வேகவைத்து உணவாக சாப்பிட்டு வரவும்.

பச்சை மிளகாய்க்கு மாற்றாக இஞ்சியையும்

வர மிளகாய்க்கு மாற்றாக மிளகையும்
பயன்படுத்தவும்.

KOVAI  HERBAL  CARE
VEGETABLES CLINIC

கோவை பாலா ,

இயற்கை வாழ்வியல் நல  ஆலோசகர் மற்றும்  காய்கறி வைத்தியமுறை

Cell  :  96557 58609

Covaibala15@gmail.com

சமுதாய நலன்கருதி பகிர்வது
-கீழ்மாந்தூர் கிராமம்-

எங்களின் புதிய படைப்பு…

மயிலாடுதுறை (Mayiladuthurai, Mayuram, Mayavaram) இணையம்

(https://www.facebook.com/keezhmandur/)
செவ்வாய் 30 அக்டோபர் 2018

தானத்தின் சிறந்தது
“இரத்ததானம்”,
ஆகையால் நல் உள்ளம் கொண்ட சகோதர்கள் இணைந்து சேவையாற்றிவீர்…!

https://chat.whatsapp.com/JS1iBjiXmJMKmbpStDgOB3

மற்றும் / அல்லது

https://chat.whatsapp.com/0bU0pa7m5lj4PhqeJbEkVg

சிறுமிக்கு தொல்லை – மாணவன் கைது

மயிலாடுதுறை: நாகை மாவட்டம், தரங்கம்பாடி தாலுகா பெருங்குடி கிராமத்தைச் சேர்ந்த, 18 வயது தனியார் பாலிடெக்னிக் கல்லூரி மாணவன், பக்கத்து வீட்டில் தனியாக இருந்த, 6 வயது சிறுமிக்கு பாலியல் தொந்தரவு கொடுத்துள்ளான். சிறுமியின் அழுகை சத்தம் கேட்டு, அவரது தாய் ஓடி வருவதைக் கண்ட ரஞ்சித், அங்கிருந்து ஓடியுள்ளான். இதையடுத்து, சிறுமி மயிலாடுதுறை அரசு மருத்துவமனையில் சேர்க்கப்பட்டார். இதுகுறித்த புகாரின் படி, சீர்காழி அனைத்து மகளிர் காவல் நிலைய போலீசார் வழக்குப் பதிந்து, ரஞ்சித்தை கைது செய்து விசாரணை மேற்கொண்டுள்ளனர்.
தகவல் – கிராமத்தான் முயாஷா.

மதம் சார்ந்த இடங்களிலும் பாலியல் தொல்லை தடுக்கணும்..

பணி இடங்களில் பாலியல் அத்துமீறல்கள் நடப்பதை தடுக்கும் வகையில், உச்ச நீதிமன்றம் அளித்த பரிந்துரைகளை, ஆசிரமம், மதரசா, கத்தோலிக்க நிறுவனங்களிலும் அமல்படுத்த வேண்டும்’ எனக் கோரி, உச்ச நீதிமன்றத்தில் மனு தாக்கல் செய்யப்பட்டுள்ளது.ராஜஸ்தானில், 1997ல், குழந்தை திருமணங்களை தடுக்க முயற்சித்த, அரசு பெண் ஊழியர், பன்வாரி தேவியை, உயர் வகுப்பு நிலச்சுவான்தார்கள் பலர், கூட்டாக சேர்ந்து, பல முறை பாலியல் பலாத்காரம் செய்தனர்.இது தொடர்பாக, ‘விசாகா’ எனப்படும் பெண்கள் உரிமை அமைப்பு, உச்ச நீதிமன்றத்தில் வழக்கு தொடர்ந்தது.இந்த வழக்கில் தீர்ப்பளித்த உச்ச நீதிமன்றம், பணி இடங்களில் பாலியல் பலாத்கார அத்துமீறல் மற்றும் பலாத்கார சம்பவங்கள் நடப்பதை தடுக்கும் வகையில், பல்வேறு பரிந்துரைகளை அளித்தது. அவை, விசாகா பரிந்துரைகள் என அழைக்கப்படுகின்றன.கடந்த, 2013ல், பணி இடங்களில் பெண்கள் மீதான அத்துமீறல்களை தடுக்கும் சட்டம் இயற்றப்படும் வரை, விசாகா பரிந்துரைகள் அமலில் இருந்தன.இந்நிலையில், சமூக ஆர்வலர் மகேஷ் பதக், உச்ச நீதிமன்றத்தில் தாக்கல் செய்துள்ள பொது நலன் மனுவில், ‘விசாகா பரிந்துரைகளை, ஆசிரமம், மதரசா, கத்தோலிக்க நிறுவனங்கள் ஆகியவற்றிலும் அமல்படுத்த வேண்டும்’ என, கோரி உள்ளார்.அந்த மனுவில், ‘ஆசிரமம், மதரசா, கத்தோலிக்க நிறுவனங்கள் ஆகியவையும் பணி இடங்களே. அங்கு பல பெண்கள் வேலை செய்கின்றனர். இந்த பெண்களிடம் பாலியல் அத்துமீறல் நடப்பதை தடுக்க வேண்டும்’ என, கூறப்பட்டுள்ளது.சாமியார் மீது பாலியல் வழக்குடில்லியில், கோவில் ஒன்றை நிர்வகித்து வரும், பிரபல சாமியார், தாதி மஹராஜ் மீது, அவன் நடத்தி வரும் ஆசிரமத்தில் உள்ள பெண், பாலியல் பலாத்கார புகார் கூறியுள்ளார்.இந்த வழக்கை, சி.பி.ஐ.,க்கு மாற்றும்படி, சமீபத்தில், டில்லி உயர் நீதிமன்றம் உத்தரவிட்டது. இதையடுத்து, தாதி மஹராஜ் மீது, சி.பி.ஐ., வழக்கு பதிவு செய்துள்ளது.
தகவல் – கிராமத்தான் முயாஷா.

பொய் செய்தி தடுக்காத சமூக தளங்களுக்கு… நடவடிக்கை எடுக்க மத்திய அரசு கடும் உத்தரவு.

‘நாட்டின் அமைதி மற்றும் ஒற்றுமைக்கு பாதிப்பு ஏற்படாத வகையில், பொய்யான தகவல்கள், புரளிகள் பரவுவதை தடுக்க வேண்டும்’ என, சமூக வலைதளங் களுக்கு, மத்திய அரசுகண்டிப்புடன் உத்தரவிட்டுள்ளது.
சமூக வலைதளங்களின் பயன்பாடுஅதிகரித்து வரும் நிலையில், அவற்றை தவறாகப் பயன் படுத்துவதும் அதிகரித்து உள்ளது.சமூக வலை தளங்கள் மூலமாக, பொய்யான செய்திகளை, படங்களை அனுப்பி, தவறான பிரசாரம் நடத்தப்படுகிறது.

இதுபோன்ற தவறானதகவல்களால், பெண்களுக்கு எதிரான குற்றங்கள் உட்பட, சைபர் குற்றங்கள் அதிகரித்துள்ளன. மேலும், பல்வேறு பகுதிகளில், பொது அமைதி, ஒற்றுமையுணர்வையும் பாதித்துள்ளது. இதையடுத்து, ‘தவறான செய்திகள், படங்களை கட்டுப்படுத்தவும், அவற்றை நீக்கவும் நடவடிக்கை எடுக்க வேண்டும்’ என, சமூக வலைதளங்களை மத்திய அரசு தொடர்ந்து வலியுறுத்தி வருகிறது.

ஆலோசனை

இது போன்ற பொய்யான செய்திகள் குறித்த தகவல்களை, போலீஸ் உள்ளிட்ட அரசின்

விசாரணை அமைப்புகளுக்கு உடனடியாக அளிப்பதுடன், விசாரணைக்கு ஒத்துழைக்க வேண்டும் என்றும் வலியுறுத்தப்பட்டுள்ளது.

‘கூகுள், டுவிட்டர், வாஸ்ட்ஆப், பேஸ்புக், இன்ஸ்டா கிராம்’ போன்ற சமூக வலைதளங்களின் பிரதிநிதி களுடன், மத்திய அரசின் உள்துறை செயலர் ராஜிவ் காப்பா, சில மாதங்களுக்கு முன் ஆலோசனை நடத்தினார். அதன் தொடர்ச்சியாக, பல்வேறு கூட்டங்களும் நடத்தப்பட்டன.

இந்நிலையில், ஏற்கன வே நடந்த கூட்டங்களின் அடிப்படையில் எடுக்கப்பட்ட நடவடிக்கைகள் குறித்து, பல்வேறு சமூக வலைதளங்களின் பிரதி நிதிகளுடன், மத்திய உள்துறை செயலர் ராஜிவா கப்பா, சமீபத்தில் ஆய்வு நடத்தினார். கூட்டத்தில் விவாதிக்கப்பட்டது குறித்து, உள்துறை அதிகாரிகள் கூறியதாவது:

உள் நாட்டு பாதுகாப்பு மற்றும் அமைதிக்கு பாதிப்பை ஏற்படுத்தும் வகையில், சமூக வலை தளத் தில் பதிவிடப்படும் செய்திகள், படங்கள் குறித்த தகவல்களை, போலீஸ் உள்ளிட்ட விசாரணை அமைப்புகளுக்கு உடனடியாக தெரிவிக்க வேண்டும் என, கூட்டத்தில் வலியுறுத் தப்பட்டது.இந்த நிறுவனங்கள், வெளிநாட்டில் இருந்து இயங்குவதால், புகார்கள் தெரிவிக்கவும், தகவல்களை தெரிவிக்கவும், இங்கு அதிகாரிகள் நியமிக்க வேண்டும் என, ஏற்கனவே கூறப்பட்டு உள்ளது.அதன்படி, சிலநிறுவனங்கள், குறைதீர் அதிகாரிகளை நியமித்து உள்ளன. மீதமுள்ள நிறுவனங்கள், விரைவில் நியமிப்பதாக தெரிவித்து உள்ளன.

கண்காணிப்பு

பொய்யான தகவல்கள் பரவாமல் தடுப்பதை கண்காணிப்பதுடன், அதுபோன்ற செய்திகளை, உடனடியாக நீக்க நடவடிக்கை எடுக்க வேண்டும் என்றும் சமூக வலைதளங்கள் வலியுறுத்தப்பட்டுள்ளன.இவ்வாறு அவர்கள் தெரிவித்தனர்.

ரூ.4.72 கோடி

அபராதம்பிரிட்டனைச் சேர்ந்த கேம்பிரிட்ஜ் அனாலிட்டிகா என்ற தகவல் சேகரிப்பு நிறுவனம், பேஸ்புக் பயனாளிகளின் தகவல்களை திருடி, பல்வேறு நாடுகளுக்கு விற்றது, கடந்தாண்டு அம்பலமானது. பல நாடுகளில், தேர்தல்களில் இந்தத் தகவல்கள் பயன்படுத்தப்பட்டதும் தெரியவந்தது.

இது தொடர்பாக, பிரிட்டனின் தகவல் ஆணையர் அலுவலகம் விசாரணை நடத்தியது. அதில், ‘பயனாளிகளின் தகவல் களை முறையாக பராமரிக்காமல், மற்றவர் களுக்கு பகிர்ந்து அளித்த தன் மூலம், பயனாளிகளின் தனிநபர் சுதந்திரம் மீறப்பட்டு உள்ளது. இந்தக் குற்றத்துக்காக, 4.72 கோடி ரூபாய் அபராதம் விதிக்கப்படுகிறது’ என, தகவல் ஆணையர் அலுவலகம் தன் தீர்ப்பில் கூறியுள்ளது.

தகவல் – கிராமத்தான் முயாஷா.

இலங்கை பிரதமராக ராஜபக்ஷே பதவியேற்பு…!

கொழும்பு:
இலங்கையின் பிரதமராக முன்னாள் அதிபர் மஹிந் ராஜபக்ஷே பதவியேற்றுள்ளார். இலங்கையின் பிரதமராக ரனில் விக்ரமசிங்கே பதவி வகித்து வந்தார்.தற்போது அவர் அப்பதவியில் இருந்து பதவி நீக்கம் செய்யப்பட்டார்.அதிபர் சிறிசேன கட்சியும் இலங்கை அரசியலில் இருந்து விலகியது. இந்நிலையில், இலங்கை அதிபர் மைத்ரி பால சிறிசேன முன்னிலையில் முன்னாள் அதிபர் மஹிந் ராஜபக்ஷே புதிய பிரதமராக பதவியேற்றுக்கொண்டார்.
ரணில் விக்ரமசிங்கே இந்தியாவில் சுற்றுப்பயணம் முடித்து நாடு திரும்பிய நிலையில் இந்த அதிரடி மாற்றம் ஏற்பட்டுள்ளது.
ஆளும் கூட்டணியில் ஏற்பட்ட பிளவை அடுத்து பிரதமர் பதவியில் மாற்றம் ஏற்பட்டுள்ளதாக இலங்கை வட்டார தகவல்கள் தெரிவிக்கின்றன.
தகவல் – கிராமத்தான் முயாஷா.

உணவிலும் மாற்றம்…! உடலிலும் மாற்றம்…!

அன்புடன் அழைக்கின்றோம்
கோவை
தமிழ்பாரதி இயற்கை அங்காடி
நடத்தும்

கோவை பாலாவின்

காயமே(உடலே) மருத்துவர் !!
காய்கறிகளே மருந்து !!!

உணவை மருந்தாக்கு!!!
மருந்தை உணவாக்காதே !!!

என்னும் தலைப்பில் வாரந்தோறும் வார இறுதி நாட்களில் நடைபெறும் வாழ்வியல் நிகழ்ச்சி.

12 காய்கறிகளைக் கொண்டு உடலின் பிணிகளிலிருந்து விடுபடும் வாழ்வியல் நிகழ்ச்சியின் இரண்டாவது நிகழ்வு .

உணவிலும் மாற்றம் !!!
உடலிலும் மாற்றம் !!!!

என்ற கோட்பாட்டின் படி இந்த வாரம்
பாரம்பரிய காய்களைக் கொண்டு உடம்பில் உண்டாகும் குறைபாடுகளை சரி செய்வது எப்படி என்பதை பற்றியும். உண்ணும் உணவு முறை மற்றும் வாழும் வாழ்வியல் முறைகளை மாற்றுவதன் மூலம் எப்படி நிவர்த்தி செய்யலாம் !!!

“” இரண்டாம் நிகழ்வின் நிகழ்வு – 7″”

தலைப்பு. : முருங்கை

அறிந்துகொள்ள அன்புடன் அழைக்கின்றோம்
தொடர்புக்கு:
இடம் : தமிழ் பாரதி,.இயற்கை அங்காடி.
திருச்சி மெயின் ரோடு,
பெர்க்ஸ் ஆர்ச் அருகில்
கோயமுத்தூர்.
நாள் : சனிக் கிழமை (27.10.2018)
நேரம் : மாலை 6.00 மணி
அனுமதி இலவசம்

திரு.கருணாநிதி அவர்கள்
ph ; 9443002969 / 7810852230

பாதி மாயம் மீதி பிரசாதம்…!

வாமிக்கு நைவேத்யம் செய்யும்போது, ‘இதை மட்டும் இவரே சாப்பிட்டு விட்டால், யாராவது அடுத்து நைவேத்யம் செய்வரா…’ என்று வேடிக்கையாக சொல்வதுண்டு. ஆனால், உண்மையிலேயே ஒரு கோவிலிலுள்ள நரசிம்மர், அவருக்கு பிடித்த பானக நைவேத்யத்தில், ஒரு பகுதியை குடித்து, மீதியை நமக்கு பிரசாதமாகத் தருகிறார்.
பானக்கால நரசிம்மர் என்ற பெயர் கொண்ட இவர், ஆந்திர மாநிலம் விஜயவாடாவிலுள்ள மங்களகிரியில் கோவில் கொண்டிருக்கிறார்.
நமுச்சி என்ற அசுரன், பிரம்மாவிடம், ஈரமான அல்லது காய்ந்த பொருட்களால் தனக்கு அழிவு ஏற்படக் கூடாது என்று வரம் பெற்றான்.
இதை பயன்படுத்தி, அவன் தேவர்களுக்கு தொல்லை கொடுத்தான். இந்திரன், விஷ்ணுவைச் சரணடையவே, அவர் சக்கரத்தை ஏவினார். கடலில் மூழ்கி, நுரையில் புரண்டு, ஈரம் போலவும், காய்ந்தது போலவும் காட்சியளித்தது.
அது, சீறிப் பாய்ந்து, அசுரனின் தலையை அறுத்தது.
நமுச்சியை வதம் செய்த, விஷ்ணு, உக்கிர சக்தி மாறாமல் நரசிம்ம வடிவத்தில், மங்களகிரியில் தங்கினார். அவரை சாந்தப்படுத்த வெல்லம், எலுமிச்சைச் சாறு கலந்த பானகம் அளிக்கப்பட்டு வருகிறது.
குடம் குடமாக பானகம் குடிப்பவர் என்பதால், இவருக்கு, ‘பானக்கால நரசிம்மர்’ என்ற பெயர் சூட்டப்பட்டது.
நரசிம்மரின் சிலை, அகன்ற பித்தளை வாயுடன் உள்ளது. இந்த வாயில் நான்கைந்து சட்டி பானகத்தை ஊற்றுவார் , அர்ச்சகர். அப்போது, ‘மடக் மடக்’ என்னும் மிடறல் சத்தம் கேட்கும். குறிப்பிட்ட அளவு குடித்ததும், சத்தம் நின்று விடும்.
பின், பாதியளவு பானகம் நரசிம்மரின் வாயில் இருந்து வெளியேறும். அதை பாத்திரத்தில் பிடித்து பிரசாதமாக தந்து விடுவர். கோவிலிலேயே பானகம், விற்பனைக்கு வைத்துள்ளனர்.
கோவிலின் பின்புறம், லட்சுமி தாயார் சன்னிதி உள்ளது. நரசிம்மர் சன்னிதிக்கு வெளியே, ஒரு குகை வாசல் உள்ளது. இதில், விஷ்ணு சிலை இருக்கிறது. இந்த குகை, 9 கி.மீ., துாரம் கொண்டது. உண்டவல்லி என்னும் இடத்திலுள்ள, 25 அடி நீள ரங்கநாதர் சிலையை, இந்த பாதை சென்றடைகிறது. பாதுகாப்பு கருதி, குகை வாசல் மூடப்பட்டுள்ளது.
மலை அடிவாரத்தில் லட்சுமி நரசிம்மர் கோவில் உள்ளது. இங்கு, 11 நிலை கொண்ட, 153 அடி உயர கோபுரம் உள்ளது.
இந்த நரசிம்மர், பாண்டவர்களில் மூத்தவரான, தர்மரால் பிரதிஷ்டை செய்யப்பட்டவர். 108 சாளக்கிராம கற்களால் ஆன மாலை அணிந்திருக்கும் இவர், பட்டுபீதாம் பரதாரியாக காட்சி தருகிறார். ராஜ்யலட்சுமி தாயார் இங்கு அருள்கிறாள்.
விஜயவாடா- குண்டூர் சாலையில், 12 கி.மீ., துாரத்திலும், குண்டூரில் இருந்து விஜயவாடா வழியில், 21 கி.மீ., துாரத்திலும் மங்களகிரி பானக்கால நரசிம்மர் கோவில் உள்ளது.
பானக நரசிம்மர் இருக்கும் மலைக்கோவில், காலை, 6:00 மணி முதல் மதியம், 2:00 மணி வரையிலும், அடிவாரக் கோவில், காலை, 6:00 மணி முதல் மதியம், 12:30 மணி வரையும், மாலை, 4:00 மணி முதல் இரவு, 8:00 மணி வரையும் திறந்திருக்கும்.

நன்றி – தி.செல்லப்பா.
தகவல் – கிராமத்தான் முயாஷா.

மூட்டு வலி.

—இன்றைய காய்கறி மருத்துவ சிந்தனை—

காயமே (உடலே) மருத்துவர்…!
காய்கறிகளே மருந்து…!

உணவை மருந்தாக்கு…..!
மருந்தை உணவாக்காதே…..!

தலைப்பு :
————
மூட்டு வலி

—————————-

சத்துக்கள்
——————–
புடலங்காயில் விட்டமின்கள் ஏ,பி,சி ஆகியவை காணப்படுகின்றன. மெக்னீசியம், மாங்கனீஸ், கால்சியம், இரும்புச்சத்து, பொட்டாசியம், அயோடின் முதலியவை உள்ளன. மேலும் இக்காய் அதிக அளவு நார்சத்து, புரதம், குறைந்த அளவு எரிசக்தி ஆகியவற்றைக் கொண்டுள்ளது.

தீர்வு
————
– ———-
புடலங்காய் (100 கிராம் தோல் , விதையுடன் ), வாழைக்காய் (இளம் பிஞ்சு சிறியது (1) , தேங்காய் (துருவியது 50 கிராம்), இவை அனைத்தையும் மிக்ஸியில் போட்டு தண்ணீர் ஊற்றி அரைத்து ஜூஸாக்கி காலை மற்றும் மாலை என இருவேளையும் உணவாக எடுத்துக்கொள்ளவும்.

பின்பு பசி எடுத்தால் வழக்கமான உணவு எடுத்துக் கொள்ளலாம்.

மதியம் வேளை உணவில் புடலங்காய் ,வாழைக்காய் இரண்டையும் தேவையான அளவு எடுத்து நீராவியில் வேகவைத்து அதனோடு தேங்காய் சேர்த்து பொறியலாக சாப்பிட்டு வரவும்.

இரவு படுக்கப் போகும் முன்
—————————————————
வெற்றிலை (2), மிளகு(2) , உலர் திராட்சை (5) இவை மூன்றையும் சேர்த்து தினமும் படுக்கப்போகும் முன் வாயில் போட்டு மென்று தின்று முழுங்கவும்.

குறிப்பு
—————————————-
அனைத்து காய்களையும் , கீரைகளையும் நீராவியில் வேகவைத்து உணவாக சாப்பிட்டு வரவும்.

பச்சை மிளகாய்க்கு மாற்றாக இஞ்சியையும்

வர மிளகாய்க்கு மாற்றாக மிளகையும்
பயன்படுத்தவும்.

KOVAI  HERBAL  CARE
VEGETABLES CLINIC

கோவை பாலா ,

இயற்கை வாழ்வியல் நல  ஆலோசகர் மற்றும்  காய்கறி வைத்தியமுறை

Cell  :  96557 58609

Covaibala15@gmail.com

சமுதாய நலன்கருதி பகிர்வது
-கீழ்மாந்தூர் கிராமம்-

(https://www.facebook.com/keezhmandur/
வியாழன் 25 அக்டோபர் 2018

தானத்தின் சிறந்தது
“இரத்ததானம்”,
ஆகையால் நல் உள்ளம் கொண்ட சகோதர்கள் இணைந்து சேவையாற்றிவீர்…!

https://chat.whatsapp.com/JS1iBjiXmJMKmbpStDgOB3

மற்றும் / அல்லது

https://chat.whatsapp.com/0bU0pa7m5lj4PhqeJbEkVg
தகவல் – கிராமத்தான் முயாஷா.

முல்லை பெரியாறில் புதிய அணை ஆய்வுக்கு அனுமதி நீதிமன்ற அவமதிப்பு வழக்கு – தமிழகம் முடிவு.

-முல்லை பெரியாறு அணைக்கு மாற்றாக, புதிய அணை கட்டும் வகையில், அதற்கான சுற்றுச்சூழல் ஆய்வு நடத்த அனுமதி கோரும், கேரள அரசின் மனுவை, மத்திய சுற்றுச்சூழல் அமைச்சகம் ஏற்றுள்ளது. கடும் எதிர்ப்பை மீறி, இந்த அனுமதி அளிக்கப்பட்டு உள்ளது, தமிழக அரசுக்கு அதிர்ச்சியை ஏற்படுத்தியுள்ளது. இது தொடர்பாக, நீதிமன்ற அவமதிப்பு வழக்கு தொடர முடிவு செய்யப்பட்டுள்ளது.

தமிழகம் மற்றும் கேரளாவில் பாயும் முல்லை பெரியாறில், கேரள மாநிலம், இடுக்கியில், முல்லை பெரியாறு அணை அமைந்துள்ளது. இதை, தமிழக அரசு பராமரித்து வருகிறது. இந்த அணையில், 142 அடி உயரத்துக்கு தண்ணீரை சேமித்து வைக்க, தமிழக அரசுக்கு அனுமதி அளித்து, உச்ச நீதிமன்றம் ஏற்கனவே தீர்ப்பளித்துள்ளது.

கேரள எல்லைக்குள் இருந்தாலும், இந்த அணை, தமிழக அரசுக்கு சொந்தமானதாகவும், அதன் பராமரிப்பில் இருப்பதையும், கேரள அரசு விரும்பவில்லை. நீண்ட காலமாக, இந்த அணைக்கு எதிரான பிரசாரங்களில், கேரள அரசு தொடர்ந்து ஈடுபட்டு வருகிறது.முல்லை பெரியாறு அணைக்கு வரும் தண்ணீர் வரத்தை தடுக்கும் வகையில்,அருகில் புதிதாக மற்றொரு அணையை கட்டுவதற்கான முயற்சி யிலும், கேரள அரசு ஈடுபட்டு வருகிறது.

ஒப்புதல்

புதிய அணை கட்டும் திட்டத்துக்கு அனுமதி யைப் பெறுவதற்கு முன், அந்த திட்டத்துக்கு சுற்றுச்சூழல் அமைச்சகத்தின் ஒப்புதல் பெற வேண்டும்.இந்த ஒப்புதலை பெறுவதற்கு முன், திட்டத்தின் சாத்தியக் கூறுகள், சுற்றுச்சூழல் நிலை குறித்த ஆய்வு நடத்த வேண்டும். இந்த ஆய்வு நடத்துவதற்கு அனுமதி கோரி, கேரளா சார்பில், மத்திய சுற்றுச்சூழல் அமைச்சகத் தின் நிபுணர் ஆய்வுக் குழுவிடம் மனு அளிக்கப் பட்டது.

சமீபத்தில் பெய்த கனமழை மற்றும் வெள்ளத்தால் ஏற்பட்ட பாதிப்புகளை காரணம் காட்டி, ‘புதிய அணை அமைக்கப்பட வேண்டும்’ என, கேரள அரசின் மனுவில் கூறப்பட்டுள்ளது.இந்த ஆய்வு மேற்கொள்வதற்கு, மத்திய சுற்றுச்சூழல் அமைச்கத்தின் துணை அமைப்பு ஒப்புதல் அளித்து உள்ளது, தமிழக அரசுக்கு அதிர்ச்சியை ஏற்படுத்தி உள்ளது.’இந்த ஆய்வுக்கான அனுமதியை நிறுத்த வேண்டும்’ என, பிரதமர் நரேந்திர மோடிக்கு, தமிழக முதல்வர் பழனிசாமி கடிதம் எழுதியுள்ளார்.

வலுவாக உள்ளது

இந்தப் பிரச்னை தொடர்பாக, தமிழக அரசு உயரதிகாரி ஒருவர் கூறியதாவது:கேரளாவின் இடுக்கியில் உள்ள, 123 ஆண்டுகள் பழமையான முல்லை பெரியாறு அணை மிகவும் வலுவானதாக உள்ளதாகவும், 142 அடிக்கு தண்ணீர் தேக்கி வைக்க லாம் என்றும், உச்ச நீதிமன்றம் தீர்ப்பு அளித்து உள்ளது. இந்நிலையில், புதிய அணை கட்டும் வகையில், அதற்கான சுற்றுச்சூழல் ஆய்வு நடத்த, கேரளாவுக்கு தற்போது அனுமதி அளிக்கப்பட்டு உள்ளது.

இந்த முடிவானது, உச்ச நீதிமன்றம், 2014ல் அளித்த தீர்ப்புக்கு எதிரானது. மத்திய சுற்றுச்சூழல் அமைச்சகத்துக்கு எதிராக, நீதிமன்ற அவமதிப்பு வழக்கு தொடர முடிவு செய்யப்பட்டுள்ளது. இவ்வாறு அவர் கூறினார்.

பிரதமருக்கு முதல்வர் கடிதம்

முல்லை பெரியாறு பிரச்னை தொடர்பாக, பிரதமர் நரேந்திர மோடிக்கு,முதல்வர் பழனிசாமி, நேற்று கடிதம் எழுதி உள்ளார். கடிதத்தில் கூறியிருப்ப தாவது:

மத்திய சுற்றுச்சூழல் துறையின் கீழ் செயல்படும், நதித் திட்டங்களுக்கான ஆய்வுக் கமிட்டி, கடந்த மாதம், 27ம் தேதி கூடியது. இக்கூட்டத்தில், தற்போதைய முல்லை பெரியாறு அணைக்கு
பதிலாக, புதிய அணை கட்ட, சுற்றுச்சூழல் ஆய்வு நடத்த, கேரளா அனுமதி கோரியது. ஆய்வு நடத்துவதற்கான விரிவான விதிகளை, சுற்றுச்சூழல் அமைச்ச கத்தின் ஆய்வு கமிட்டி வழங்க, முடிவு செய்துள்ளது.

மத்திய சுற்றுச்சூழல் துறையின் இந்த நடவடிக்கை, தமிழக மக்கள் மத்தியில் மிகுந்த கவலை மற்றும் அச்சத்தை ஏற்படுத்தியுள்ளது. மத்திய சுற்றுச்சூழல் துறையின் முடிவு, 2006 மற்றும் 2014 மே, 7ல், உச்ச நீதிமன்றம் வழங்கிய தீர்ப்புகளுக்கு எதிரானது.’புதிய அணை கட்டுவது தொடர்பான பிரச்னையில், தமிழகத்திற்கும், கேரளத்திற்கும் இடையே, கருத்து ஒற்றுமை அவசியம்.

கேரளாவின் திட்டத்தை, தமிழகம் மீது திணிக்கக் கூடாது’ என, நீதிமன்றம் தன் உத்தரவில் தெரிவித்துள்ளது. இதற்கு எதிராக, மத்திய சுற்றுச்சூழல் துறையின் முடிவு அமைந்துள்ளது. கடந்த, 2015 ஜூன், 10ம் தேதி, அன்றைய முதல்வர், ஜெ., உங்களுக்கு எழுதிய கடிதத்தில், ‘புதிய அணை தொடர்பான, கேரள அரசின் விண்ணப்பங்களை, மத்திய சுற்றுச் சூழல் அமைச்சகம் ஏற்கக் கூடாது; இது உச்ச நீதிமன்ற தீர்ப்புக்கு எதிரானது’ என உத்தர விடும்படி வலியுறுத்தினார். அதை தொடர்ந்து, கேரள அரசின் கோரிக்கையை, 2015 ஜூலையில், மத்திய அரசு நிராகரித்தது.

தற்போது, உடனடியாக இந்த விவகாரத்தில் தலையிட்டு, முல்லை பெரியாறு அணை அருகே, புதிய அணை கட்ட அளித்துள்ள, அனுமதியை திரும்பப் பெற, வனத்துறை அமைச்சகத்திற்கு உத்தரவிட வேண்டும். இவ்வாறு அதில் கூறப்பட்டுள்ளது.
தகவல் – கிராமத்தான் முயாஷா.

மயிலாடுதுறை இணையம்

https://www.mayilai.in

மயிலாடுதுறை இணையம்

அனைவருக்கும் வணக்கம், https://mayilai.in என்கிற இந்த இணையதளம் "மயிலாடுதுறை (Mayiladuthurai, Mayuram, Mayavaram)" என்கிற முகநூல் குழு நண்பர்களால் உருவாக்கப்பட்டது. இதில் நிருபர்களாகவும், ஆசிரியர்களாகவும் செயல்படும் அனைவருமே ஊதியமின்றி செயல்படும் தன்னார்வலர்களே. நம்மூர் செய்திகளை முதன்மை படுத்துவதும், சமூக தேவைகளுக்கு துணையாய் நிற்பதுமே நமது குறிக்கோள். முடிந்த வரை அனைத்து விதமான செய்திகளையும், கட்டுரைகளையும் இதனுள்ளில் கொண்டு வர முயற்சி செய்கிறோம். இந்த இணையத்தை மேலும் பயனுள்ளதாக்கி சிறப்பிக்க அனைவரது பங்களிப்பையும் வேண்டுகிறோம். எங்களோடு இணைந்து செயல்பட கீழே கொடுத்துள்ள இணைப்பில் பதிவு செய்து, அதன் கீழே கொடுத்துள்ள வாட்ஸாப் அல்லது முகநூல் செய்தியாக உங்கள் விருப்பத்தை வெளிப்படுத்துங்கள். அனைவருடைய பங்கெடுப்பிற்கும் எங்களது மனமார்ந்த நன்றி. - நிர்வாகிகள். https://mayilai.in/register/

பிரிவுகள்